視訊語音交友 - 隨心文章

傷心聖誕.

唉~ 原本諗住可以有個開心既聖誕,點知~~~~~~ 其實成晚一直都好好,但點知去到最後都系失敗. 究竟成件事系我自己處理得唔好?我太小氣?? 定系你真系唔當我系老婆? 如果你當我系你老婆,邊有老公同其他女仔坐都唔同我坐?___我算~! 如果你當我系你老婆,邊有老公關心其他女仔多過關心我?__我都算~! 如果你當我系你老婆,邊有老公連車門都唔幫我開就走? 連72都feel到我嬲你,但點解你仲可以毫不知情?究竟我系咩?! 就算果女仔真系飲醉左唔舒服,都有其他人照顧距啦. 雖然個女仔系我既好朋友,但系咪更加應該要避忌? 都唔系第一次噶啦,以前阿嬌又系咁!你要我忍幾多次啊? 由坐車到翻到屋由頭到尾都未同我講過一句說話! 唯一一句就系問我洗唔洗送距翻屋企?!!! 我算乜?!我系你老婆喔~!! 我都系啱啱坐完月一個月砸喔!你知唔知我都唔可以吹風噶? 但你就為左距就開到個窗大一大...... 系咪要我飲到好似距地咁醉,你至會關心我??? 咁系你心目中我同其他女仔有乜分別啊? 如果我又對其他男仔系咁你會點啊? 翻到屋至識得對我好對我笑,仲要問我因咩事嬲. 我可以點出聲?話我因為個好朋友嬲你?等全世界都認為我錯? 到最後個醜人又系我做. 最後又系撇低我走,今次已經系你第三次撇低我啦. 人地話"事不過三",但我可以點?離開你?分手?定離婚啊? 呵呵,依家既我竟然無用到乜都做唔到,只可以自己嬲自己...